«Қазақстан Республикасының Кәсіподақтар Федерациясы» РҚБ ҚР президентіне үміткер А.Таспиховтың Батыс Қазақстан облысы бойынша сайлау алдындағы штабы өз жұмысын бастады.
Ағымдағы жылдың 08 мамыры күні «Қазақстан Республикасының Кәсіподақтар Федерациясы» РҚБ ҚР президентіне үміткер Аманкелді Сатыбалдыұлы Таспиховтың Батыс Қазақстан облысы бойынша сайлау алдындағы штабының ашылу салтанаты өтті. Сайлауалды штабының ашылуына штаб мүшелері, еңбек ардагерлері және кандидаттың сенімді өкілдері қатысты.
Бүгінгі таңда 152 сенімді өкіл тіркелген, оның ішінде аумақтық кәсіподақтар орталығының өкілдері, салалық кәсіподақтардың белсенділері, облыстағы ірі өнеркәсіп, кәсіпорындардағы өнеркәсіп, ауыл шаруашылық, тұрғын үй-коммуналдық шаруашылық, білім беру, денсаулық сақтау, мәдениет, кәсіпкерлік саласының мүдделерін білдіретін кәсіподақ мүшелері бар.
Сайлауалды штабының жұмысын ашқан БҚО Кәсіподақтар орталығы төрағасының м.а. А.Есекенова қатысушыларға штабтың мақсаты мен міндеттері, жұмыс тәртібі туралы айтып өтті, штаб мүшелерімен таныстырып, штаб қызметінің аясында және желілік кесте бойынша жоспарланған жұмыстар туралы баяндады. Сонымен қатар, Кәсіподақтар орталығы жанындағы «Келешек» жастар ісі кеңесінің белсенді мүшелері мен еріктілерге де сайлау алдындағы штаб жұмысын атқаруда үлкен сенім артылып отырғаны жөнінде жеткізді.
Отырыс барысында БҚО Кәсіподақтар орталығы төрағасының м.а. А.Есекенова кәсіподақ ардагерлеріне естелік кітаптарды сыйға тартып, оларды Ұлы Жеңіс күнімен құттықтап, кәсіподақ ардагерлері мен штаб мүшелерін, сенімді өкілдерді осы штабтың ашылуымен құттықтап, кандидатты колдап сенімді өкіл болуға ниет білдіргендері үшін алғыс білдірді.