Бүгін, 4 маусымда ҚР Президенттігіне кандидат Аманкелді Таспиховтың Қызылорда облысы бойынша өңірлік штаб басшысының орынбасары Марат Бәйімбетов Шиелі ауданындағы «Сауда көлік компаниясы» ЖШС ұжымымен кездесті. Ұжымда жалпы 180 адам жұмыс жасайды. Кездесуде Марат Бәйімбетов ұжымды кәсіподақтардан ҚР Президенттігіне ұсынылған кандидат Амангелді Таспиховтың өмірбаяны мен тұғырнамасымен таныстырды. Тұғырнамадағы еңбек қатынастары мәселелері түсіндірілді.
Кандидат тұғырнамасындағы еңбек әлеуметтік жағдайлар бойынша жұмыскерлер тарапынан қойылған сұрақтарға жауаптар беріліп, еңбек ұжымы 9 маусым күнгі сайлауда белсенділік танытуға, кәсіподақтар кандидатын қолдауға шақырылды. Кездесуге қатысқан 40- тан аса жұмыскерлерге А.Таспиховтың үгіт-насихат парақшалары таратылды