«Шымкент қаласы кәсіподақтар орталығы» аумақтық кәсіподақтар бірлестігінің салалық кәсіподақтары аумақтық құрылымдары өкілдерінің Үйлестіру кеңесінің кеңейтілген отырысында бекітілген «Кәсіподақтар күні» мерекесіне арналған айлық іс-шара жоспарына сәйкес, «Петро Қазақстан Ойл Продактс» жауапкершілігі шектеулі серіктестігінде бастауыш кәсіподақ ұйымының ұйымдастыруымен «Қазақстан мұнайына 120 жыл», «Мұнай-газ саласының қызметкерлері» және «Кәсіподақтар күні» күні меркелеріне арналған іс-шара өтті.
Мерекелік іс-шараға «Қазмұнайгаз» Ұлттық Кампаниясының мұнай өңдеу департаментінің директоры М.Ж.Мұсайбеков және «Петро Қазақстан Ойл Продактс» жауапкершілігі шектеулі серіктестігінің зауыт басшылары қатысып, құттықтау сөз сөйлеп, марапаттап тапсырды.
Мерекелік салтанатта 100-ден астам адамға, оның ішінде осы зауытта бұрын қызмет атқарып, зейнеткерлерлікке шыққан ардагерлерге, бүгінгі күнде белсенді жұмыс жасап жатқан жұмысшылар мен зауыт қызметкерлеріне Қазақстан Республикасы Энергетика министрлігінің атынан «Қазақстан мұнайына 120 жыл» медалдерімен және Қазақстан Республикасы Энергетика министрлігінің «Құрмет грамтоларымен» және «Алғыс хаттарымен» марапатталды. Іс-шара соңы мерекелік дастархан басында бас қосқан концерттік бағдарламаға ұласты.