Қызылорда қаласы №212 мектеп-гимназиясында «Алдыңғы буын аға жол, жастарды қолдар дара жол!» атты кездесу өтті.
Кездесуге ардагер ұстаздар, жас мамандар, облыстық салалық кәсіподақ өкілдері қатысты. Жастар жылы аясындағы мектептегі тағылымды кездесу ардагер ұстаздар мен жас ұстаздардың сыр-сұхбатымен өрбіді.
Ардагерлер жастарға ұстаздық еңбек жолдарынан естеліктер айтып, мамандықты сүюге дәріптеп, саналы ұрпақ тәрбиелеу жолындағы қажырлы еңбекті ұлықтады. Жас мамандар қазіргі таңдағы білім саласы жаңалықтарымен бөлісіп, жұмыс барыстары бойынша алдыңғы буын ұстаздардан ақыл-кеңес алды.
Сонымен қатар, білім ордасындағы «Ізденіс» жас ұстаздар мектебінің жұмысы таныстырылды. Кездесуге қатысқан Қызылорда облысы аумақтық кәсіподақтар бірлестігінің бас маманы М.Боранбаева, салалық білім және ғылым қызметкерлерінің қалалық кәсіподақ ұйымы төрайымы О.Әлімбетова ардагер ұстаздарға ерен еңбек пен өнегелі еңбек жолдары үшін алғыс айтып, жас ұстаздарға жұмыстарында шығармашылық табыстар тіледі. Белсенді де шығармашыл бірқатар жас мамандарға марапаттар табысталды.