7 қазанда Халықаралық еңбек ұйымы “Әділ жұмыс орындары” ұранымен Дүниежүзілік лайықты еңбек үшін іс-қимыл күнін өткізді.
Осы күннің қарсаңында “Екібастұз МАЭС-2 станциясы” АҚ-да “ТҚ күні” өткізілді, оған барлық бөлімшелер мен цехтардың басшылары, еңбекті қорғау және қауіпсіздік техникасы қызметтерінің қызметкерлері, еңбекті қорғау жөніндегі техникалық инспекторлар, кәсіподақ комитетінің өкілдері қатысты.
Ай сайынғы “ТҚ күнін” өткізудің мақсаты – қауіпсіздік техникасы және еңбекті қорғау қағидаларын бұзушыларды анықтау және алдын алу, әрбір жұмыс орнындағы еңбек жағдайларын тексеру, қызметкерлердің демалуы және тамақтануы үшін жағдай жасауды тексеру.
Осы мақсатта құрылған комиссия мүшелері демалыс және тамақтану бөлмелеріне, себезгі бөлмелеріне, киім шешетін бөлмелерге, асханаға, жұмыс орындарына барады.
“ТҚ күнінің” нәтижелері бойынша қорытындылар шығарылады, анықталған бұзушылықтарды жою бойынша іс-шаралар мен жауапты тұлғалар әзірленеді.
Ай сайын “ТҚ күнін” өткізумен қатар, станция дәстүрінде жыл сайынғы айлықты өткізу, оның барысында кәсіподақ қызметкерлері Алтын ережелер мен қауіпсіздіктің көшбасшылық мінез-құлық аудитін білуден жарысты, “Тәуекелдерді бағалау және жұмыс қауіпсіздігін талдау” тақырыбында тесттер өткізді, цехта, учаскеде қауіпсіз жұмыс орнын қалай ұйымдастыру керектігін көрнекі түрде көрсетті, ақпараттық бұрыш безендірді.
Әлеуметтік әріптестер – қоғамның басшылығы мен кәсіподақ комитетінің өндірістегі жазатайым оқиғалардың алдын алу бойынша кешенді бағдарлама жүргізуі нөлдік жарақаттануды қамтамасыз етуге бағытталған.