Маңғыстау облысының кәсіподақтар орталығы аумақтық бірлестігінің төрағасы Шадрах Ермекбайұлы Қазақстан Республикасының Президенті Қ.Тоқаевтың ағымдағы жылдың 11 қаңтар күні өткен Парламент Мәжілісінің жалпы отырысында жасаған мәлімдемесіне қатысты өз ойын білдірді:
“Отырыста Президент Қасым-Жомарт Кемелұлы Тоқаев саяси және әлеуметтік-экономикалық салалардағы өзекті мәселелерді шешу бойынша ауқымды баяндама жасады. Мемлекет басшысы саяси және әлеуметтік-экономикалық салалардағы біздің еліміз үшін өте күрделі жағдайларда пісіп-жетілген мәселелерді шешу жөнінде нақты міндеттер қойды. Өз атымнан айтарым, Маңғыстау облысының кәсіподақтар бірлестігінің төрағасы ретінде халықтың әлеуметтік әл-ауқатын арттыруға, жақсартуға, елдегі әлеуметтік жағдайды тұрақтандыруға бағытталған реформаларды жетілдіруге толықтай қолдау танытамын.
Маңғыстау облысының кәсіподақтар бірлестігі мемлекет пен халық арасындағы біртұтас ашық диалог орнату бағытында бірқатар өркениетті іс-қимылдарды жүзеге асыруға, Мемлекет басшысының саясатын сонымен қатар, әлеуметтік әділеттілік пен еңбек адамына лайықты жағдайларды қамтамасыз ету қағидаттарын ілгерлетуге дайын екенін атап өткім келеді.
Мемлекет басшысы Қасым-Жомарт Кемелұлы Тоқаевтың еліміз үшін айтылған тарихи әрі ауқымды баяндамасын тындаған Қазақстан Республикасының халқы, әсіресе, өсіп келе жатқан ұрпақтың мақсаты – мол біліммен қаруланып, кең байтақ жерімізді пәле жаладан аман сақтап, ынтымағы мен бірлігі жарасқан ел болу. Еліміз аман жұртымыз тыныш болсын”, – деді өз мәлімдемесінде кәсіподақ төрағасы.