22 ақпанда жұмыс сапары аясында Қазақстан Республикасының Еңбек және халықты әлеуметтік қорғау министрі Светлана Жақыпова өңірлік ұжымдармен кездесті.
Іс-шараға Павлодар облысының әкімі Асаин Байханов, Еңбек және әлеуметтік қорғау Комитетінің және көші-қон комитетінің төрағалары Асқарбек Ерсаев, Павлодар облысының аумақтық кәсіподақтар бірлестігінің төрағасы Динара Айтжанова, облыстық департаменттер мен басқармалардың басшылары, қалалар мен аудандардың әкімдері, облыстық мәслихат депутаттары қатысты.
Светлана Жақыпова өз сөзінде Мемлекет басшысының тапсырмаларын іске асыру және халықты жұмыспен қамтуды және әлеуметтік қолдауды қамтамасыз ететін әлеуметтік-еңбек саласындағы цифрлық жүйелер туралы хабардар етті.
Кездесуге қатысушылар тұрақты жұмыс орындарын құруға, “Мемлекеттік жоспарлау”, “Мемлекеттік сатып алу” және “Жұмыс орындарын құру мониторингі” ақпараттық жүйелерін интеграциялауға, Ең төменгі жалақыны айқындаудың жаңа әдістемесі, 2024-2029 жылдарға арналған Еңбек нарығын дамыту тұжырымдамасын, 20230 жылға дейінгі Қауіпсіз еңбек тұжырымдамасын қабылдауға баса назар аудара отырып, мұқтаж азаматтарды жұмысқа орналастыру , ұзақ уақыт бойы зиянды еңбек жағдайларында жұмыс істейтін адамдардың әлеуметтік қорғалуын күшейтетін заңнамалық түзетулер туралы хабардар етілді.
Павлодар облысының аумақтық кәсіподақтар бірлестігі әлеуметтік әріптестермен бірлесіп, 2030 жылға дейінгі Қауіпсіз еңбектің жаңа тұжырымдамасын іске асыру, әлеуметтік және еңбек заңнамасын өзгерту мәселелері бойынша өңірдің кәсіпорындарында ақпараттық-түсіндіру жұмыстарын жүргізіп жатқанын атап өткен жөн.
Министр ұсынған өзекті ақпарат кәсіпорын қызметкерлерімен алдағы кездесулер барысында талқыланатын болады, деп атап өтілді Кәсіподақ орталығында.