Қадірлі еңбек адамдары!
Сіздерді ең ұлық мереке – Еңбек күнімен шын жүректен құттықтаймын!
Бұл күн – қоғамның қозғаушы күші қарапайым жұмысшының, маманның және жасампаз жанның салтанат құратын сәті. Еліміздің әрбір жетістігі, әрбір зәулім ғимараты мен өндірілген өнімі – сіздердің алтын қолдарыңыз бен қажырлы қайраттарыңыздың жемісі. Адал еңбек қана адамды биікке шығарады, ал кәсіби шеберлік мемлекеттің іргесін бекемдейді.
Кәсіподақтар федерациясы үшін Еңбек күні – біздің ұстанымымыз бен күресіміздің нышаны. Біз үшін әрбір еңбек адамының құқығы қорғалуы, жұмыс орны қауіпсіз болуы және жалақының лайықты төленуі – басты парыз.
Өмірін еңбекке арнап, бүгінде демалыста жүрген ардагерлерімізге басымызды иіп, алғыс айтамыз. Сіздердің жолдарыңыз – бізге өнеге.
Осынау айтулы мерекеде баршаңызға мықты денсаулық, шаңырақтарыңызға бақ-береке тілеймін! Еңбектеріңіз тек қуаныш әкелсін, әрбір бастамаларыңыз жемісті болсын. Ел игілігі жолындағы қажырлы істеріңіз еленіп, абыройларыңыз асқақтай берсін.
Еңбек күні құтты болсын!
Ізгі тілекпен,
ҚР Кәсіподақтар федерациясының
төрағасы С.Дәулеталин