Қызылорда облысының кәсіподақтар орталығы төрағасы міндетін атқарушы Серік Сағитжанұлы Сермағамбетов Ә.Тәжібаев атындағы Қызылорда облыстық әмбебап ғылыми кітапханасының бастауыш кәсіподақ ұйымымен кездесті.
Кездесу барысында Серік Сағитжанұлы еңбек ұжымының еңбек жағдайларымен танысып, еңбек заңнамалары бойынша қызметкерлермен және әлеуметтік әріптеспен пікір алмасты. Сонымен қатар, кәсіподақ мүшелеріне Қазақстан Республикасы Кәсіподақтар Федерациясының жаңғыртудың 2018-2019 жылдарға арналған Жол картасы аясында жасалып жатқан жұмыстар жайлы баяндалып, Салалық мәдениет, спорт, туризм және ақпарат қызметкерлері облыстық кәсіподақ ұйымы төрайымы Раушан Балтабайқызы Үмбетова салалық келісім бойынша түсіндірмелер жасады.
Кітапхана ұжымында қазірде 103 қызметкер жұмыс жасайды, қызметкерлердің барлығы кәсіподақ мүшелері. Мекемеде 2016-2019 жылдарға жасалған Ұжымдық шарт қолданыста. Жалпы облыс көлемінде сала бойынша 73 бастауыш кәсіподақ ұйымында 4212 кәсіподақ мүшелері біріккен.
