Қызылордада Еңбек күніне арналған Кәсіподақтардың спорттық турнирі басталды. Аумақтық кәсіподақтар бірлестігімен ұйымдастырылған турнирге 9 салалық кәсіподақ ұйымдары командалары қатысуда. Турнирге қатысушы кәсіподақ мүшелері спорттың үш түрінен, шағын футбол, үстел теннисі және шахмат ойындарынан бақ сынасады. Қазірде екі күндік турнирдің алғашқы ойындары өтуде.
Еңбек күні – Адам еңбегінің беделін өсіруге, еңбекті ынталандыруға, жұмыс мамандықтарын насихаттауға және өндіріс саласына жастарды тартуға, жұмыс әулетіндегі көпжылдық дәстүрді нығайту мақсатында Елбасының Жалпыға ортақ Еңбек Қоғамын құру идеясы шеңберінде бекітілген.
Мерекеге орай, Елімізде «Еңбек жолы» республикалық байқауы өткізілуде. Еңбек екпінділерін ұлықтайтын бұл конкурсқа ағымдағы жылы кәсіподақтар да белсенді атсалысуда. Қызылорда облыстық кәсіподақтар орталығымен «Үздік жас маман» және «Жұмыс істейтін жастардың үздік тәлімгері» аталымы бойынша салалар қатысуымен байқау өткізіліп, жеңімпаздар анықталды.
Бүгінгі күндері «Еңбек күні» мерекесін өткiзуді ұйымдастыру бойынша облыс көлеміндегі кәсіподақ ұйымдарымен түрлі шаралар іске асырылуда