2018 жылы 26 қазан күні Батыс Қазақстан облыстық мемлекеттік, банк мекемелері және қоғамдық қызмет көрсету қызметкерлері салалық кәсіподағы құрамындағы «Ақжайық арнаулы әлеуметтік қызмет көрсету орталығы» коммуналдық мемлекеттік мекемесінде Әлеуметтік қорғау жүйесі қызметкерлері күні мерекесіне орай кәсіподақ ұйымының ұйымдастыруымен салтанатты шара өтті.
Шара барысында мекемедегі әлеуметтік-медициналық, әлеуметтік-мәдениет, әлеуметтік-тұрмыстық, әлеуметтік-экономикалық және басқа бағыттағы салалар бойынша сайыс өткізілді. Бастауыш кәсіподақ ұйымының мүшелері өз өнерлерін жоғары дәрежеде көрсетті. Монологтар оқылды, қол өнер бұйымдары және көріністер көрсетілді. Әсіресе «Мейірімділік», «Жан жылуы» көріністері көрермендерге ерекше әсер қалдырды.
Шара соңында мекеме басшысы, кәсіподақ мүшесі А.Сапаргалиев кәсіподақ мүшелерін кәсіби мерекелерімен құттықтап, жақсы лебізін білдіріп, бастауыш кәсіподақ ұйымының атынан белсенді жеңімпаз кәсіподақ мүшелеріне алғыс хаттар, сертификаттар, гүлдер мен сыйлықтар табыстады. Шара мерекелік сазды әндерге, билерге ұласты.
Батыс Қазақстан облыстық мемлекеттік, банк мекемелері және қоғамдық қызмет көрсету қызметкерлері салалық кәсіподағы.