Спорт – денсаулық кепілі екені бәрімізге белгілі. Осыған орай өткен жылдың 23 қыркүйегінде Жамбыл облысы кәсіподақтар орталығы мен өңірдегі ең алып өндіріс ошағы «Казфосфат» ЖШС-і бірлесіп ұйымдастырған Қазақстан Республикасының Кәсіподақтар Федерациясының кубогі үшін баскетболдан Тараз қаласының ашық лигасының ойындары бастау алған болатын.
Бұл додаға Тараз қаласының кәсіпорындары мен мекемелерінен қатысқан 14 баскетбол командасының барлығы әр жексенбі күні «Казфосфат» ЖШС-нің спорт кешенінде тартысты айқас өткізіп, нәтижесінде үстіміздегі жылғы 13 қаңтарында өткен ойынның плей – офф сатысынан 6 команда жарыстың ақтық сынына жолдама алды. Бұл аталмыш дүбірлі доданың тағдыры 27 қаңтарда шешіліп, үздіктердің үздігі анықталатын болады.
Осы жарыстың демеушілері «Казфосфат» ЖШС-і мен Жамбыл облысы кәсіподақтар орталығы жеңімпаздарға қомақты сыйақы тағайындағандарын айта кету керек.