Ағымдағы жылдың 1-ші сәуірінде облыстық кәсіподақ орталығының өкілдері бұқаралық ақпарат құралдарымен ынтымақтастығы аясында облыстық «Soltustik Qazaqstan» газетінің редакциясына барып қайтты. Кездесу барысында облыстық «Soltustik Qazaqstan» газеті редакциясының директоры Ж. Сүлейменов елдегі соңғы көптеген оң өзгертулер туралы және кәсіподақ пен БАҚ арасындағы жұмыстары туралы сөз қозғады. Сонымен қатар баспасөз және басылымдарды тарату бөлімінің басшысы Қошан Тортайұлы Қалидың зейнеткерлік жасқа жетуіне байланысты атаулы күнімен құттықтау рәсімі өтті.
Қошан Тортайұлының әлеуметтік әріптестікті дамытуда, кәсіподақ жұмысын бұқаралық ақпарат құралдары арқылы жарыққа шығаруда және өзінің бастауыш кәсіподақ ұйымына көмек көрсетуде қосқан үлесі зор екенін айта отыра, облыстық кәсіподақтар орталығының өкілдері СҚО кәсіподақтар Орталығының төрағасы Е.Е. Нұрақаевтың атынан Қ.Т. Қалиды атаулы күнімен құттықтап, көпжылдық серіктестігі үшін ризашылық білдіріп, алғыс хатпен және бағалы сыйлықпен марапаттады.
Кездесу аяғында Қошан Тортайұлы газет редакциясына және кәсіподақ қозғалысына барынша жәрдемдесуді жалғастыруға дайын екендігін жеткізе отыра, барлық құттықтаулар үшін алғысын білдірді.