Бүгін Қазақстан Республикасы Кәсіподақтар федерациясының Төрағасы Бақытжан Әбдірайым Ұлттық ғарыш орталығында қазақ ғарышкері, Халық қаhарманы Айдын Айымбетовпен кездесті. Кездесу барысында отандық ғарыш саласының дамуы туралы әңгіме айтылды.
Өз кезегінде Кәсіподақтар федерациясының Төрағасы 12 сәуірде Меркіде өткен «Жас келсе – іске!» атты өңірлік форумына қатысқан еңбекші жастарға бейнеқұттықтау жолдап, жас еңбеккерлерге адал еңбек етуге, рухани құндылықтарды қалыптастыруда белсенді болуға шақырғаны үшін Айдын Ақанұлына алғыс білдірді.
Кездесу аясында Бақытжан Әбдірайым қазақ ғарышкеріне бейнесі кестеленіп тоқылған портретін сыйға тартты.
