17 мамыр күні Маңғыстау облыстық сайлауалды штабының желілік кестесіне сәйкес, ҚР Президенттігіне кандидат А. С. Таспиховтың сенімді өкілдері, аймақтық қоғамдық штабтың жетекшісі – Жаулин Киікбай Мыңбайұлы және кәсіподақ ардагері Даулетов Марат Муггалимұлы «CaspiBitum» ЖШС-нің еңбек ұжымымен кездесу өткізді.
К. Жаулин мекеме қызметкерлерін А.С.Таспиховтың сайлауалды тұғырнамасымен және өмірбаянымен таныстырды. Атап айтқанда, жұмыс орнындағы еңбек қауіпсіздігі және еңбекті қорғау туралы бөлімге тоқталып, А.С. Таспиховтың бағдарламасынан үзінді оқып берді.
Сондай-ақ, сенімді тұлға үгіт-насихат жұмысын қалай жүргізу керектігін түсіндіріп, бірқатар сұрақтарға жауап берді. Сенім білдірілген тұлға өз сөзінің соңында барлық қызметкерлерді біздің кандидатқа дауыс беруге шақырды.
Кездесуге барлығы 50-ден астам адам қатысты.
