ҚР Президенттігіне кандидат Аманкелді Сатыбалдыұлы Таспиховтың сенімді өкілі, Қызылорда облысы бойынша ауыл шаруашылығы салалық кәсіподағының төраға орынбасары Берік Бисембаев Қазалы ауданында «Агро-Өркен» жауапкершілігі шектеулі серіктестігінің жұмысшыларымен кездесті.
Егіс алқабында өткен кездесуде Б.Бисембаев еңбеккерлерді кандидат А.Таспиховтың өмірбаянымен, атқарған қызметі және сайлауалды тұғырнамасымен таныстырды. Кәсіподақтардан ұсынылған кандидаттың тұғырнамасында көрсетілген негізгі бағыттар еңбеккердің еңбек жағдайы, еңбек құқықтары мен әлеуметтік мәселелер екендігі түсіндірілді.
Сөз алған «Агро-Өркен» жауапкершілігі шектеулі серіктестігінің басшысы Н.Алиев кандидат тұғырнамасы бойынша пікірін білдіріп, шаруашылық жұмыскерлерін сайлауда белсенділік танытуға, кәсіподақтар кандидатын қолдауға шақырды.
