ҚР Президенттігіне үміткер А.С.Таспиховтың республикалық штабы мен Қызылорда аймақтық штабы мүшелері «Жаңақорған» шипажайы қызметкерлері мен демалушыларымен кездесті.
Жаңақорған шипажайы – Сыр елінің мақтанышы, киелі ем мекені. Шипажай Кәсіподақтар Федерациясының шипажайлары қатарында, сондықтан кәсіподақтар бастаған бастамалардың бірден-бір жанашыры.
Шипажайдағы кездесуге кандидат А.Таспиховтың сенімді өкілдері, республикалық штаб басшысы орынбасары Е.Каппель, республикалық штаб мүшесі, ««Yntymaq» Қазақстандық орта және шағын бизнес қызметкерлерінің салалық кәсіподағы» қоғамдық бірлестігі төрағасы Қ.Жанабеков және Қызылорда аймақтық штаб басшысы, аумақтық кәсіподақтар бірлесігі төрағасы С.Сермағамбетов қатысты.
Жұмыскерлердің еңбек жағдайы мен әлеуметтік мәселелері көтерілген Аманкелді Таспиховтың тұғырнамасындағы негізгі тезистер бойынша Егор Каппель кездесуге қатысушыларға түсіндірме жасады. Аймақтық штаб басшысы Серік Сермағамбетов Қызылорданың Жаңақорған шипажайы Кәсіподақтар Федерациясының шипажайлары қатарында кәсіподақтардың әрбір бастамаларының бірден-бір жанашыры болып табылатындығын атап өтіп, барша кәсіподақ мүшелерін алдағы Президент сайлауында кәсіподақтар кандидаты Аманкелді Таспиховты қолдауға шақырды. Шипажайдың бас дәрігері Ғабит Үйсінбаев кандидаттың сайлауалды тұғырнамасы бойынша өзінің оң пікірін білдіріп, еңбек ұжымы атынан кандидатқа сайлауда қолдау білідіретіндіктерін жеткізді. Кездесуге 200 ге таяу шипажай қызметкерлері, демалушылары және аудандағы денсаулық сақтау жүйесі жұмыскерлері қатысты.