Қызылорда облысындағы Республикалық штаб мүшелерінің жұмыс сапары аймақтық штаб базасында жалғасты.
Қызылорда аумақтық кәсіподақтар бірлестігінде сенімді өкілдермен, аймақтық штаб мүшелерімен жиын өтті. Жиында Қызылорда аймағында үгіт-насихат шаралары бойынша атқарылған жұмыстар туралы штаб басшысы Серік Сермағамбетов ақпарат берді.
Республикалық сайлауалды штабының тең-жетекшісі Дәулеталин Сатыбалды Телағысұлы барша қызылордалық сенімді өкілдерге кандидат атынан сайлау науқанындағы қолдаулары үшін алғысын жеткізді. Сатыбалды Телағысұлы Қызылорда аймақтық штабы жұмысына оң пікір білдіріп, алда да атқарылар жұмыстардың ауқымына және сайлаудағы доданың кәсіподақтар қозғалысы үшін маңыздылығына тоқталды. Республикалық штаб мүшелері мен аймақтық штаб мүшелері, сенімді өкілдер алдағы жауапкершілікті сәттер межелері бойынша пікір алмасты.