Қазақстан Республикасының Президенттігіне кандидат Аманкелді Сатыбалдыұлы Таспиховтың Ақтөбе облыстық қоғамдық штабының сенімді өкілдері «Ақтөбе-нан» ЖШС пен ҚР АШМ агроөнеркәсіптік кешеніндегі мемлекеттік инспекция комитетінің фитосанитарлық диагностика және болжамдар әдістемелік орталығының Ақтөбе облыстық филиалының еңбек ұжымдарымен кездесті.
Кездесуде Кәсіподақтар федерациясы атынан сайлауға түскен үміткердің өмірбаянымен, еңбек, қоғамдық қызметтерімен және сайлауалды тұғырнамасының тезистерімен таныстырып, парақшалар таратылды.
Сонымен қатар, үміткер бағдарламасында көрсетілген ұсыныстар еңбек адамы, оның өмірі, денсаулығы мен әл-ауқаты басты назарда болуына бағытталғанын, қызметкерлердің мүдделері мен құқықтарын қорғау мәселелері бойынша ҚРКФ-ның қызметі туралы айтып өтті.