ҚР Президенттігіне кандидат А.Таспиховтың Түркістан облысы және Шымкент қаласы бойынша аймақтық штабы мүшелері аудандарда құрылған штаб жұмыстарымен танысуды жалғастыруда.
Бүгін белсенді топ Шардара ауданына ат басын бұрып, ондағы әріптестерінің жұмысымен қанықты. Үміткерді қолдау мақсатында құрылған аудандық штабтың сайлауалды шараларымен етене танысты. Тарихи сайлау науқанының жұмысын ауданда белсенді ұйымдастыру мақсатында кандидат А.Таспиховтың Түркістан облысы және Шымкент қаласы бойынша қоғамдық штабының басшысы орынбасары, сенімді өкілдер Серік Ауесxанов, Есебаева Кулдар, Батырбеков Ерқозы бастаған белсенді топ арнайы жиын өткізді. Қоғамдық штабтың негізгі міндетіне тоқталып, Қазақстан Республикасы Президенттігіне кандидат А. Таспиховты сайлау науқаны кезінде қолдап, оның сайлау алдындағы бағдарламасын түсіндіру бойынша насихат жұмыстарын жүргізуді тапсырды. Айта кетейік, штаб құрылымында қоғамдық қабылдау бөлмесі жұмыс істеуде.
Онда кандидаттың сенімді өкілдері азаматтарды жеке мәселелері бойынша қабылдап, түскен ұсыныстарды сараптап, қоғамдық пікірдің мониторингін жүргізеді.
Айта кетейік, шағалалы өңірге арнайы барған белсенді топ түрлі еңбек ұжымдарымен кездесіп, үгіт-насихат жұмыстарын жүргізді. Кандидат А.Таспиховтың сайлауалды тұғырнамасын таныстырып, жергілікті жұртшылықтың сауалдарына жауап берді.