Кезекті сайлауалды шара Саз колледжінде жалғасты. ҚР Президенттігіне кандидат Аманкелді Сатыбалдыұлы Таспиховтың аймақтық қоғамдық штабының өкілдері Шымкент қаласы білім басқармасының Саз колледжі еңбек ұжымының қызметкерлерімен кездесу өткізді. Айта кетейік, білім ордасында 446 студент оқиды. Оларға 153 оқытушы және оқыту-шеберлері білім береді.
Мұнда әнші, музыкант сияқты өнер саласының 11 мамандығы бойынша мамандар дайындалады. 150 адам қатысқан жиында колледж «Шымкент қаласы кәсіподақтар орталығы» аумақтық кәсіподақтар бірлестігі төрағасының орынбасары, штаб төрағасының орынбасары, үміткердің сенімді өкілі Әуесханов Серік Елемесұл сөз алды. Қазақстан Республикасының Президенттігіне үміткер Аманкелді Сатыбалдыұлы Таспиховтың өмірбаянымен, сайлауалды тұғырнамасымен таныстырып, сайлауға қатысуға және кәсіподақтан ұсынылған үміткерге дауыс беруге шақырды. Кандидат Таспиховтың еңбек жолы мен халық үшін жасаған қамқор істерін баяндап берді.
Сенімді өкіл сайлаушыларды үміткердің сайлауалды тұғырнамасымен таныстырып шықты. Кандидаттың еңбек қауіпсіздігі мен еңбекті қорғау, еңбек дауларының алдын алу, жазатайым оқиғаларды болдырмау, жалақысы төмен жұмысшылардың жалақысын көтеру, ұжымдық шарт жасасу сынды қоғамда маңызға ие мәселелерге қатысты ой-пікірлерін ортаға салды. Үгіт-насихат тобы жиналған азаматтарға сайлаудың маңыздылығын түсіндіріп, саяси додада белсенді болуға шақырды. Кездесуге келгендер штаб мүшелріне сұрақ қойып, тұшымды жауап алды.