«Шымкент қаласы кәсіподақтар орталығы» аумақтық кәсіподақтар бірлестігінің «Кәсіподақтар күні» мерекесіне арналған айлық іс-шарасы аясында шаһарда кіші футболдан жарыс ұйымдастырылды.
Түркістан облысы мен Шымкент қаласы “Кәсіподақтар орталығы” аумақтық кәсіподақтар бірлестігінің өкілдері бұл күні офистік киімдерін спорттық үлгілерге ауыстырып, өзара мықтыны анықтады. Спорттық шараны Шымкент қаласы «Кәсіподақтар орталығы» аумақтық кәсіподақтар бірлестігінің төрағасы Берік Айдарбекұлы Бекжанов ашып беріп, салауатты өмір салтын ұстанып, спортты серік еткен әріптестеріне сәттілік тіледі. Жыл сайын айтулы датаға орай ұйымдастырылатын дәстүрлі жарысқа 7 команда қатысты. Жасыл алаңда доп қуған бірлестік өкілдері ойынның көрігін қыздырды.
Жарыстың жүлде қоры да қомақты. Спортты серік еткен кәсіподақтықтар жеңіс жолында барын салып бір-біріне дес бермеді. Жүлделі бірінші орынды Агроөнеркәсіпкешені қызметкерлерінің кәсіподақ ұйымының “Қаһарман” коммандасы иеленіп, қызметтестерінің мерейін үстем етті. 2-орынды мәдениет саласының қызметкерлері иеленді. 3-жүлделі орынды “Петро Қазақстан ойл Продактс”ЖШС қызметерлері қанағат тұтты. Жарыс жеңімпаздарына тарту-таралғы жасалып, сый-сыяпат көрсетілді.