«Шымкент қаласы кәсіподақтар орталығы» аумақтық кәсіподақтар бірлестігінің, салалық кәсіподақтары аумақтық құрылымдары өкілдерінің Үйлестіру кеңесінің кеңейтілген отырысында бекітілген «Кәсіподақтар күні» мерекесіне арналған айлық іс-шара жоспарының негізінде Қазақстандық салалық білім және ғылым қызметкерлері кәсіптік одағының Шымкент қалалық ұйымының іс-шара жоспарына сәйкес, Шымкент қаласында «Ұстаздар күні» мен «Кәсіподақтар күні» мерекесі аталып өтті.
Меркелік іс-шара Шымкент қаласындағы «Опера және балет театрында» өткізіліп, жиынға білім және ғылым қызметкерлері мектеп басшылары, балабақша меңгерушілері, мұғалімдер және білім саласының ардагерлері қатысты.
Салтанатты жиынды ашып, құттықтау сөзге шыққан «Шымкент қаласы кәсіподақтар орталығы» аумақтық кәсіподақтар бірлестігінің төрағасы Бекжанов Берік Айдарбекұлы кәсіподақтың міндеті мен мақсатын айта отырып, барлық кәсіподақ мүшелерін төл мерекелерімен құттықтады.
Сонымен қатар егеменді еліміздің жарқын болашағы жолында жас ұрпаққа сапалы білім, саналы тәрбие беріп, білім саласындағы адал еңбегі үшін білім қызметкерлерін, «Шымкент қаласы кәсіподақтар орталығы» аумақтық кәсіподақтар бірлестігінің құрмет грамоталарымен марапаттады.
Жиын соңы концерттік бағдарламаға ұласты.