Бүгін Алматы облысының кәсіподақтар орталығының ұйымдастыруымен Текелі қаласында орналасқан “Шапағат” арнаулы-әлеуметтік қызмет көрсету орталығында ҚР Тәуелсіздігі күніне орай кездесу өтті. Кездесу барысында кәсіподақтар өкілдері мекеме қызметкерлерін құттықтап, Алғыс хаттармен марапаттады.
Сондай-ақ, Талдықорған технологиялық сервис колледжінің жастары қарт адамдардың шашын алса, Медициналық колледж тәлімгерлері концерт көрсетіп, көңілдерін аулады. Ұжым қызметкерлері мен орталықтың ақсақалдары мерекеге орай кәсіподақтар өкілдері өткізген шараға өз ризашылықтарын білдіріп, жастарға баталарын берді.