Ағымдағы жылдың 5 наурыз күні Батыс Қазақстан облыстық кәсіподақтар орталығының ер азаматтары 8 наурыз – Халықаралық әйелдер күні мерекесіне орай, «Әйел – ана, әйел – жар, әйел – гүлің!» атты шағын мерекелік құттықтау шарасын ұйымдастырды.
Жиында салалық кәсіподақ төрағалары өңіріміздің кәсіподақ тынысына өзіндік әсемдік беріп, жігерлі еңбектерімен, асқан жауапкершілікпен ортақ міндеттің жүгін бірлесе көтеріп жүрген әйелдер ұжымына алғыстарын жеткізді. Сонымен қатар, Қазақстан Республикасы Кәсіподақтар федерациясының төрағасы Сатыбалды Дәулеталиннің құттықтауы жеткізіліп, арнайы елордадан жолданған ҚРКФ-ның төрағасының алғыс хаттары табысталды.
Мереке қарсаңында төрағаның алғыс хаттарымен «БҚО Кәсіподақтар орталығы» АКБ төрайымы Айгүл Есекенова, Орал қалалық «Батыс Су арнасы» ЖШС қызметкерлерінің жергілікті кәсіподақ ұйымының төрайымы Азиля Иликпаева және БҚО білім және ғылым қызметкерлерінің салалық кәсіподағының заңгері Гүлжанат Құрманғазиева марапатталды.
Бірлестіктің әйелдер ұжымы кәсіподақ азаматтарының құттықтауларына ризашылықтарын білдіріп, мерекелік көңіл-күйлерін жеткізді.