2021 жылғы 1 шілдеден бастап Павлодар облысында 14 бағыт бойынша “Жасыл Ел” еңбек жасағы өз жұмысын бастады, оның шеңберінде 2 мыңнан астам жас жұмысқа ие болады.
Еңбек қатынастары саласындағы құқықтық қорғалу деңгейін анықтау, еңбек заңнамасын түсіндіруді жүргізу және “Жасыл Ел” жазғы жасағының қатысушыларын қызықтыратын мәселелер бойынша құқықтық консультациялар беру үшін 2021 жылғы 9 шілдеде Павлодар облысының аумақтық кәсіподақтар бірлестігі “Жасыл Ел” еңбек жасағына қатысушылардың татуласу орталығының басшысы, сот жүйесінің ардагері М. Ивановамен және “Yntymaq” орта және шағын бизнес жұмыскерлерінің салалық кәсіптік одағы” РҚБ Павлодар филиалының төрайымы, Павлодар қалалық мәслихатының депутаты Г.Атабаевамен кездесуін ұйымдастырды.
Кездесу спикерлері жастардың еңбек шартын жасасу және оны ресімдеу, еңбек шартының мәтінінде қажетті тармақтардың болуы, жұмыс беруші мен қызметкердің құқықтары мен міндеттері, ауырған жағдайда құқықтық қорғалу туралы сұрақтарына жауап берді. Дәл сол жерде еңбек жасағының жауынгерлерінің бірінің еңбек шарты талданып, жұмыс берушімен уақытша еңбекке жарамсыздық парағын төлеу мәселесі оң шешілді.
“Жасыл Ел” жазғы жасағының қатысушыларына еңбек заңнамасы және Павлодар облысы аумақтық кәсіподақтар бірлестігінің жедел желісінің байланыс деректері түсіндірілген флаерлер табыс етілді.