Ақтөбеде кәсподақ жетекшілері жұмысшылардың еңбек құқығын басты назарда ұстайды. Күнделікті мониторинг аясында Ақтөбе облыстық кәсіподақтар орталығының төрағасы А.Әмірғалиев Мұғалжар ауданы аумағында орналасқан Жаңажол кен орнына барып, жұмысшылармен кездесті.
“СНПС-Ақтөбемұнайгаз” АҚ және “СНПС-АТК” ЖШС жұмысшыларының талап-өтініштерін тыңдады. Кездесуге жұмыс берушілер де шақырылды.
Кездесу барысында компания еңбеккерлері жалақының төмендігі, сыйақының жоқтығы, вакцинация және ПТР-тест туралы мазалаған сауалдарын ортаға салды.
Кәсіподақ жетекшісі еңбеккерлерді толғандырған сауалдардың оң шешімін табуға атсалысты. Еңбек дауының алдын алу және реттеу мақсатында кәсіподақ орталығының төрағасы жұмыскерлермен түсіндіру жұмыстарын, сондай-ақ жұмыс берушілермен келіссөздер жүргізді.
Нәтижесінде, жұмыс берушілер вакцинация алмаған қызметкерлерге ПТР-тест шығындарын төлеуге, сондай-ақ дивидендтер төлеуге уәде берді.
Сонымен қатар, жұмыс берушінің өкілдері жақын арада жалақыны көтеру және сыйақы төлеу мәселесі шешілетініне сендірді.