Кәсіподақ ұйымының жұмысын кез-келген деңгейде жетілдіру, ең алдымен оның көшбасшылары, мүшелері жұмысынан басталады. Кәсіподақ еңбеккерлердің өмірін жақсы жағынан өзгертуге, шабыттандыруға, үйретуге, көмектесуге және өзгертуге қабілетті болуы маңызды. Кәсіподақ көшбасшысы мәдени іс-шара, бос уақытты ұйымдастырумен қатар, әртүрлі кәсіподақ жобаларын, әлеуметтік бағдарлама, қызметкерлердің еңбек жағдайларын жақсартатын ұжымдық шарттың жаңа нормаларын әзірлеу, қарастыру мен талқылау, оны жүзеге асырумен айналысады. Сонымен бірге, өз жұмысын адал әрі сапалы орындауы қажет.
Евдокия Суряднованың жұмысын дәл осылай сипаттауға болады. Евдокия Суряднова Қостанай облыстық тарихи-өлкетану мұражайының ғылыми-әдістемелік қамтамасыз ету бөлімінің жоғары санатты әдіскер-тарихшысы болып жұмыс істейді. Еңбек жолын 1987 жылы бастаған.
Мұражай жұмысында мол тәжірибесі бар сауатты, жауапты және еңбекқор маман мұражайға келген жаңа қызметкерлерге тақырыптық экскурсиялар, мұражай заттарына ғылыми сипаттама беруге, дәрістер мен экспозициялардың жоспарларын құруға дайындалуда білікті әдістемелік көмек көрсетеді.
Евдокия Суряднова бірнеше рет Қазақстан Республикасы мен Ресей Федерациясының мемлекеттік архивтерінде зерттеулер жүргізді. Челябі облысының Біріккен мемлекеттік архивінде жүргізілген зерттеулер барысында 1920 жылдардың басында Қостанай ауданының Челябі губерниясының құрамындағы тарихы туралы материалдар, соның ішінде «Алаш» көшбасшылары А.Байтұрсынов пен А.Байгурин қызметіне байланысты бірегей құжаттар тапты.
Қазақстан Республикасы Президентінің мұрағатында ХХ ғасырдың бірінші жартысындағы Қазақстанның қоғамдық-саяси және мәдени өмірі туралы анықталған құжаттарды сипаттау бойынша жоғары кәсіби деңгейде жұмыс жүргізді.
Қазіргі уақытта Евдокия Суряднова – 1920-1950 жылдардағы саяси қуғын-сүргін құрбандары туралы материалдар жинау және зерттеу жөніндегі жұмыс тобының мүшесі, мұражай залдарында, қала бойынша автобус экскурсияларына сапалы экскурсиялар жүргізетін, білім беру мекемелері, сауықтыру лагерлеріне жылжымалы фотоқұжаттық көрмелермен баратын кәсіби мамандардың бірі.
Евдокия Андреевна айтып өткендей, қазір ол семинар практикум материалдары, облыстың мемлекеттік және қоғамдық мұражайларына экспозициялар құру, музей қорларын алу, стационарлық және көрме жасау бойынша көптеген консультациялық және практикалық кеңестерден тұратын әдістемелік ұсыныстар жинағын дайындап жатыр.
Әкімшілік пен әріптестер Евдокия Суряднованың әріптес әрі кәсіподақ көшбасшысы ретінде ерекше қайырымдылық, сезімталдығын атап өтеді. Жұмысының алғашқы күндерінен бастап бастауыш кәсіподақ ұйымының белсенді мүшесі болды және бірнеше рет кәсіподақ комитетінің төрағасы болып сайланды.