«Қалың қалай, бастауыш ұйым?» акциясы аясында «Қызмет» салалық кәсіподағы Шымкент қалалық филиалының төрағасы С.Әуесханов Шымкент қаласының ішкі саясат және жастар істері жөніндегі басқармасының «Жастар ресурстық орталығы» КММ қызметкерлерінің қал-жағдайымен танысып, Қазақстан Республикасының Конституциясы, Еңбек кодексі, «Кәсіптік одақтар туралы» Заңы бойынша түсіндіру жұмыстарын жүргізді.
Іс-шара барысында кәсіподақ төрағасы еңбек ұжымын «30 тамыз – Конституция күні» мерекесімен құттықтап, бірқатар қызметкерлерге наградалар тапсырды.
Атап айтқанда, «Қызмет» Мемлекеттік, банк мекемелері және қоғамдық қызмет көрсету қызметкерлерінің салалық кәсіподағы» қоғамдық бірлестігі Шымкент қалалық филиалының «Еңбек озаты» төсбелгісімен орталық басшысының орынбасары Жұлдызхан Балтабаева, «Құрмет грамотасымен» бөлім басшысы Гүлшат Қосбаева және «Алғыс хатымен» бөлім басшысы Дінмұхамед Қанатұлы марапатталды.
Жиын қорытындысында орталық басшысы Ерлан Айтбаев ұжым мүшелерін Конституция күні мерекесімен құттықтап, «Қызмет» салалық кәсіподағы Шымкент қалалық филиалына ұжым атынан алғыс білдірді.