Бүгін Қызылорда облысы кәсіподақтарының аумақтық құрылымдарының Үйлестіру кеңесінің кеңейтілген отырысы өтті.
Кездесуге Кәсіподақтар федерациясы төрағасының орынбасары Нұрлан Өтешев, Қызылорда облысы кәсіподақтар орталығының төрағасы Мақсұт Нәлібаев, салалық кәсіподақтар филиалдарының төрағалары мен облыстың бастауыш кәсіподақ ұйымдары қатысты.
Кездесу барысында Кәсіподақтар орталығының төрағасы Мақсұт Нәлібаев кәсіподақ ұйымдарының жұмысының нәтижелері туралы баяндама жасады.
Оның айтуынша, Қызылорда облысында 1018 бастауыш кәсіподақ ұйымдары бар, оларда 101 632 кәсіподақ мүшелері бар, бұл облыстың жұмыспен қамтылған тұрғындарының 31,1% құрайды.
Облыста 12 салалық кәсіподақ филиалдары қызмет етеді.
«Биыл облыста 18 жаңа бастауыш кәсіподақ ұйымы құрылды, кәсіподақ мүшелерінің саны 797 адамға артты», – деді Мақсұт Нәлібаев.
Әлеуметтік әріптестік туралы айта отырып, ол аймақта 2021-2023 жылдарға арналған үшжақты келісім жасалғанын айтты.
«2021 жылдың 1 қаңтарына облыста 5828 мекеме мен кәсіпорынның ұжымдық шарттары тіркелді. Бұл облыста жұмыс істейтін 8321 кәсіпорын мен ұйымның жалпы санының 70% құрайды», – деді спикер.
Қауіпсіз еңбек жағдайларын қамтамасыз ету бойынша маңызды шаралар атап өтілген.
«Өңірлік үшжақты комиссия жұмысы аясында ағымдағы жылы 2021-2023 жылдарға арналған қауіпсіз жұмыс бағдарламасы бекітілді. Облыс кәсіпорындарында еңбекті қорғау бойынша 736 өндірістік кеңес және 758 техникалық инспектор жұмыс істейді. Vision Zero бағдарламасы облыстың 33 ұйымында қабылданды», – деді кәсіподақ орталығының төрағасы.
Оның айтуынша, ағымдағы жылдың 8 айында облыста 28 өндірістік апат болды, 43 жұмысшы жарақат алды, оның 10-ы қайтыс болды.
Мақсұт Нәлібаев кәсіподақ мүшелеріне құқықтық көмек көрсету туралы да айтты.
Кәсіподақтар орталығында Заң клиникасы мен Татуласу орталығы бар. Дауларды кәсіподақ заңгерлері мен медиаторлар шешеді.
Жалпы, оның айтуынша, жыл басынан бері 764 азаматтың өтініші бойынша консультациялар берілген.
Кәсіподақтар орталығының ерекше назар аударатын саласы – аймақтағы әлеуметтік тұрақтылық. Әлеуметтік шиеленіс күнделікті бақыланады.
«Қазіргі уақытта 5 кәсіпорында әлеуметтік шиеленіс қаупі бар. Бұл мәселе облыстық үшжақты комиссия отырыстарында қаралды, нәтижесінде еңбек дауларының алдын алу бойынша бірқатар тапсырмалар әзірленді. Еңбек даулары туындаған “CNEC” ЖШС, «Петро Қазақстан Құмкөл Ресорсиз» АҚ, «Аралтұз» АҚ еңбек ұжымдарындағы жағдай тұрақты. Кәсіподақ орталығы еңбек ұжымдарымен тиісті түсіндіру жұмыстарын жүргізеді», – деді Мақсұт Нәлібаев.
Бастауыш кәсіподақ ұйымы жылы аясында кәсіподақтар орталығы еңбек ұжымдарымен 38 кездесу ұйымдастырды.
Сонымен қатар, кәсіподақ орталығы кәсіподақтың еңбек дауларын шешудегі құзыреттілігін арттыру бойынша жұмыс жүргізуде.
«Облыстың кәсіподақ белсенділері Қазақстанның Кәсіподақтар федерациясы ұйымдастыратын білім марафонына белсенді қатысуда», – деді төраға.
Кездесу барысында Қызылорда облысы бойынша ауыл шаруашылығы қызметкерлерінің салалық кәсіподағы филиалының төрағасы Толыбай Жүсіпов, мәдениет, спорт, туризм және ақпарат қызметкерлері кәсіподағы филиалының төрағасы Раушан Үмбетова және «ПетроҚазақстан Құмкөл Ресорсиз» АҚ жергілікті кәсіподағының төрағасы Бақытжан Мұқашева баяндамаларын оқыды.
Кездесуді қорытындылай келе, ҚРКФ төрағасының орынбасары Нұрлан Өтешев Кәсіподақтар федерациясының жаңа форматына тоқталды.
Атап айтқанда, ол ҚРКФ басшылығының Үйлестіру кеңесінің аймақтық отырыстарына қатысу тәжірибесін, кәсіподақ пен кәсіподақ мүшелері үшін жаңа білім беру жобаларын енгізуді, «Қалың қалай, бастауыш ұйым?» акциясын және басқа да жобаларды өткізуді атап өтті.
«Еңбек ұжымдарымен тұрақты кездесулердің арқасында біз қызметкерлердің проблемалық мәселелері туралы білеміз. Кәсіподақтар федерациясы әлеуметтік әріптестік аясында бұл мәселелерді белсенді түрде ілгерілетуде. Мемлекет басшысы ағымдағы Жолдауында 2022 жылдан бастап ең төменгі жалақының 42 500 теңгеден 60 мың теңгеге дейін өсетінін жариялады. Бұл мәселені шешуге кәсіподақтар үлкен үлес қосты», – деп атап өтті Нұрлан Өтешев.
Ол сондай-ақ Үйлестіру кеңесінің мүшелеріне Қазақстандағы кәсіподақтар күнін мерекелеуге арналған іс-шаралар туралы ақпарат берді.
«8 қазанда бастауыш кәсіподақ ұйымдарының форумы өтеді, оның аясында «2021 жылдың үздік бастауыш кәсіподақ ұйымы»байқауының жеңімпаздары марапатталады. БАҚ өкілдері мен ҚРКФ-ға мүше ұйымдардың баспасөз хатшылары арасында алғаш рет жарияланған «Еңбек адамын Ұлытау» республикалық байқауының жеңімпаздары форумда белгілі болады», – деді Нұрлан Өтешев.
Қорыта айтқанда, Кәсіподақтар федерациясы төрағасының орынбасары Қызылорда облысы кәсіподақтарының маңызды көрсеткіштерін атап өтті және облыстың кәсіподақ басшыларына ризашылығын білдірді.
Қазақстан Республикасы Кәсіподақтар федерациясының медиа орталығы