«Ғажайыпқа сен» акциясын Қазақстандық теміржол, автомобиль, әуе және су көлігі қызметкерлерінің салалық кәсіптік одағының Қарағанды филиалы «Жүк тасымалы» ЖШС – «БП Қарағанды бөлімшесі» филиалы кәсіподағының бастауыш ұйымымен бірлесіп ұйымдастырып, ерекше қажеттіліктері бар балаларға жаңа жылдық сыйлықтар табыс етті. Тәтті сыйлықтар 10-12 жас аралығындағы керемет спорттық нәтижелер көрсеткен жас футболшыларға да берілді.
Теміржол, автомобиль, әуе және су көлігі қызметкерлерінің салалық кәсіптік одағының Қарағанды филиалының төрағасы Яхия Альмусиннің айтуынша, биыл пандемия кезінде де көптеген іс-шаралар өткізілді. Салауатты өмір салтын насихаттаудың арқасында көптеген теміржолшылар арамза аурудан құтыла алды және бүгінгі күнге дейін командалық жүйеде жүр.
Айта кету керек, жарыс Қарағанды өңірінің теміржол тораптық станцияларында жүйелі түрде өткізілді. Мысалы, Ағадыр станциясында ағымдағы жылы футзал, гір спорты, Жаңаарқа станциясында шахмат, тоғызқұмалақ, футзал бойынша турнирлер, ал Қарағанды – Сортировочная станциясында марафон өтті, оған барлық жастағы кәсіподақ мүшелері, сондай-ақ, баскетбол, мини-футбол, футбол, шахмат және үстел теннисі бойынша турнирлер қатысты.
2022 жылдың 15 қаңтарынан бастап теміржол саласының қызметкерлері арасында жеңіл атлетикалық шаңғы жарысы жоспарланған.
Спорттың кез-келген түрінде теміржол қызметкерлерінің командасы облыстық және республикалық жарыстарда жүлдегер атанады және бұл – барлық спорт түрлерінде талантты теміржолшыларды дамытуға және алға жылжытуға ықпал ететін кәсіподақтың маңызды еңбегі. Олардың барлық жетістіктері кәсіподақ наградаларымен және бағалы сыйлықтармен көтермеленеді.