Әз-Наурыз мейрамына орай Жылыой аудандық ветеринариялық стансасы ұжымы ұзақ жыл осы салада жемісті еңбек етіп, кәсіподақтар қозғалысын дамытуға айрықша үлес қосқан ардагерлерін ұлықтауды да ұмытпады.
Мерекелік шарада бір топ ардагерге ҚР Ауыл шаруашылығы ардагерлер кеңесі қоғамдық бірлестігінің «Құрметті ардагер» төсбелгісі салтанатты жағдайда тапсырылды. Өз кезегінде марапат иелері Төлеп Елеубаев, Сайын Сарманов, Салық Шаухимов «Ауыл шаруашылығы қызметкерлері салалық кәсіптік одағы» республикалық қоғамдық бірлестігіне, оның облыстық филиалының төрағасы Жұмазия Есімоваға алғыс сезімдерін білдірді.
