Халықаралық еңбек ұйымының шешімімен өндірістегі жазатайым оқиғалар мен кәсіби аурулардың алдын алуға ықпал ету мақсатында 28 сәуір Дүниежүзілік еңбек қауіпсіздігі күні ретінде белгіленген.
Биыл Дүниежүзілік еңбекті қорғау күні “Ортақ күш-жігермен еңбекті қорғаудың оң мәдениетін қалыптастыру” ұранымен өтеді. Бұл бастамаға жұмыскерлердің өкілдері – кәсіподақтармен қатар, әлеуметтік әріптестер мен барлық мүдделі тараптардың қолдау танытып, белсенді қатысуы өзекті.
Бүгін Дүниежүзілік еңбекті қорғау күні аясында Нұр-Сұлтан қаласының Кәсіподақтар орталығының өкілдері «Inju Ansar» көпфункционалды тұрғын үй кешенінің құрылысына жұмылдырылған құрылысшылар және басшылықпен кездесу барысында еңбек қауіпсіздігін сақтау, еңбекті қорғау талаптарын қамтамасыз ету маңыздылығын еске салды.
