Қазақстан Республикасы Кәсіподақтар федерациясы бастамашылық еткен «Еңбеккер бейнесі» республикалық акциясы шеңберінде Қостанай облысының аумақтық кәсіподақтар бірлестігі еңбек адамдарымен таныстыруды жалғастыруда. Құралай Қалиханқызы Құрманғалиева мемлекеттік қызметші, қоғам қайраткері және «Қостанай облыстық мәслихатының аппараты» ММ бастауыш кәсіподақ ұйымының төрайымы болып табылады.
Құралай Құрманғалиева Қостанай облысы Қарабалық ауданы Бозкөл совхозында дүниеге келген. 1979 жылы мектепті бітіріп, Қостанай мемлекеттік педагогикалық институтына оқуға түседі. Студенттік жылдары әнге, биге әуес болды, мұражайларға, көрмелерге баратын, қоғамдық жұмыстармен айналысты. Институтты сәтті тәмамдап, 1984 жылы Құралай Қалиханқызы мамандық бойынша жұмыс істей бастайды. Өскелең ұрпақты тәрбиелеуге жұмсаған 20 жыл бойы балаларға қазақ тілін үйретті, сондай-ақ ол мектептің қоғамдық өмірімен айналысып, клубтар, үйірмелер, секциялар мен факультативтер құрды. Құралай Қалиханқызы тәуелсіз Қазақстанның қалыптасуы кезеңінде 10 жыл облыс әкімдігінде аудармашы болып жұмыс істеді, осы күнге дейін бас маман болып жұмыс істейді және бастауыш кәсіподақ ұйымының тұрақты төрайымы болып табылады. Кәсіподақ жұмысын, нормативтік заңнамалық актілерді жақсы білетін ол кәсіподақ жұмысында оларды шебер қолданатын белсенді кәсіподақ көшбасшысы.
Қазіргі уақытта кәсіподақ мүшелігін уәждемеуге, жастарды кәсіподаққа тартуға, кәсіподақ активін оқытуға көп көңіл бөледі. Құралай Қалиханқызы жоғары жауапкершілікпен ерекшеленеді. Ол адамдармен жақсы тіл табысып, олардың проблемаларын түсінуге және қиын уақытта оларға көмектесуге тырысады. Құралай Қалиханқызы екі баланың сүйікті анасы және бес немеренің әжесі.