Қостанай аумақтық кәсіподақтар бірлестігінің төрайымы Ирина Аронова жұмыс сапарымен Федоров ауданына барды.
Бағдарлама аясында орталық аудандық аурухананың кәсіподақ ұйымдарымен үш кездесу – бастауыш кәсіподақ ұйымының төрайымы Полина Лапенкомен, Абай атындағы жалпы білім беретін мектептің бастауыш кәсіподақ ұйымының төрайымы Ольга Кравчукпен және кәсіпкер әйелдермен кездесу өтті.
Жұмыс сапары барысында азаматтарды жеке қабылдау ұйымдастырылды. Кәсіподақ ұйымдарының мүшелерімен және әлеуметтік әріптестермен болған кездесулерде жұмыскерлер мен жұмыс берушілер арасындағы әлеуметтік-еңбек қатынастарын реттеуге қатысты бірқатар маңызды мәселелер талқыланды. Осындай қатынастарды реттеу тәсілдерінің бірі ұжымдық шарт болып табылады. Кездесуге қатысушылар, кәсіподақ мүшелері аталмыш құжаттың әлеуметтік-еңбек құқықтары мен кепілдіктерін қорғаудағы маңыздылығын және Қазақстан Республикасының қолданыстағы заңнамасымен салыстырғанда қосымша кепілдіктер мен жеңілдіктер бойынша өз ұсыныстарын енгізу мүмкіндігін атап өтті.
Өз кезегінде, Ирина Аронова облыстық кәсіподақ орталығы облыстың кәсіпорындары мен мекемелерінде ұжымдық-шарттық реттеу жүйесін одан әрі дамытуды қамтамасыз ету мақсатында жыл сайын Үйлестіру кеңесінің отырыстарында дұрыс және қауіпсіз еңбек шарттарын құру мәселелері, қызметкерлерге қосымша жеңілдіктер мен өтемақылар ұсыну бойынша ұжымдық шарттардың сапалық мазмұны мен орындау практикасын қарастыруды жоспарлайтынын атап өтті.
Сондай-ақ, Ирина Аронова кәсіподақ мүшелерін әлеуметтік әріптестік жылы аясында Қазақстан Республикасы Кәсіподақтар федерациясы жариялаған бірқатар бастамалармен таныстырды. Олардың бірі – қазақстандық қызметкерлердің еңбекақысын дәйекті түрде арттыру, оның ішінде жыл сайынғы инфляцияны ескере отырып, жалақыны индекстеу және жалақыны ұжымдық шарттарға индекстеу тәртібін міндетті түрде енгізу мәселелерін шешуді ілгерілету және тағы басқалар.
Кәсіподақ мүшелерімен кездесулерге Қостанай облысы бойынша Әйелдер альянсының төрайымы Р.Бектұрғанова және Федоров ауданының әкімі, аудандық үшжақты комиссияның төрағасы Т.Исабаев қатысты.