Павлодар облысы аумақтық кәсіподақтар бірлестігінің еңбекші әйелдер істері жөніндегі комиссиясы, Павлодар облысы бойынша Қазақстан әйелдер күштері Альянсы және Павлодар қаласы Жұмыспен қамту және әлеуметтік бағдарламалар бөлімінің «Белсенді ұзақ өмір сүру орталығының» қолдауымен белгілі тұрғылықты жері жоқ балалары бар әйелдерді әлеуметтік-психологиялық оңалту және бейімдеу орталығында Халықаралық отбасы күні салтанатты түрде аталып өтті.
«1993 жылы БҰҰ Бас Ассамблеясы бекіткен мерекенің мақсаты – қоғамның назарын отбасы институтын дамытудың өзекті мәселелеріне аудару. Әр адам үшін өмірдегі басты нәрсе – бұл отбасы. Отбасының жаны – жауапкершілікті, махаббат пен құрметті, қамқорлықты үйрететін ана. Олардың қасында анасы болған кезде балалар бақытты», – деп әйелдер мен олардың 38 баласын Павлодар облысы кәсіподақтарының аумақтық бірлестігінің еңбекші әйелдер істері жөніндегі комиссиясының төрайымы, «Павлодар облысы бойынша Қазақстанның әйелдер күштері Альянсы» ҚҚ өкілдігінің төрайымы Р.Даумова құттықтады.
Іс-шараға қатысушылар үшін ең кішкентай балаларға арналған ертегілер оқу аймағы, мектеп жасындағы балаларға арналған көкөністер мен жемістерді әдемі кесу бойынша аспаздық шеберлік аймағы, үлкен балалар мен олардың аналарына арналған тоқу шеберлігі аймағы дайындалды.