18 маусым күні Орал қаласы, Шолохов скверіндегі жаңа амфитеатрда «Мерейлі отбасы» ұлттық байқауының лауреаттарын марапаттау кеші өтті.
Ұлттық байқаудың береке – бірлігі жарасқан отбасыларды насихаттауда маңызы орасан. Байқаудың қалалық кезеңіне 11 отбасы қатысты.
Іс – шара алдымен «Балаларға базарлық» ұйымдастыру орталығының балаларға арналған көңілді ойын – сауық бағдарламасымен басталды.
Осыдан кейін Орал қаласы әкімінің орынбасары Мирболат Сағынғалиев құттықтау сөз сөйлеп, барша қатысушыларға алғысын білдірді.
Байқаудың қалалық кезеңінің бас жүлдесіне ие болған Балмулдиндер ұстаздар отбасына Батыс Қазақстан облысы білім және ғылым қызметкерлері кәсіподағының Орал қалалық комитеті – Филиалының төрағасы Төлеген Темешев құттықтап, бағалы сыйлықтар табыстады.
Алда – облыстық кезең. Шаһар намысын Балмулдиндер мен Телегеновтер отбасылары облыстық кезеңде қорғайтын болады.