2022 жылдың 20 маусымында Қостанай аумақтық кәсіподақтар бірлестігі базасында Салалық теміржол, автомобиль, әуе және су көлігі қызметкерлерінің кәсіподағы облыстық филиалының келісу комиссияларының мүшелері оқытылды.
ҚР ЕК 159-бабының 8-тармағына сәйкес келісу комиссиясының мүшелері Қазақстан Республикасының еңбек заңнамасын қолдану, келіссөздер жүргізу және еңбек дауларында пәтуаға қол жеткізу дағдыларын дамыту бойынша жыл сайын оқудан өтуге міндетті.
Семинар дәріскері – «DA education» ЖШС бизнес-жаттықтырушысы Әсет Дәуітов болды. Ол теміржолшыларды келісім комиссияларының жұмысы аясында жұмыс беруші мен жұмыскерлердің аспектілерімен таныстырды. Сондай – ақ ол еңбек дауларының себептері және оларды шешу кезінде қандай нормативтік құқықтық актілерді қолдану керектігі туралы егжей-тегжейлі айтып берді.
«Көптеген даулы мәселелерді жұмыскер мен жұмыс берушінің арасындағы диалог деңгейінде келісім комиссияларынсыз шешуге болады. Егер олар бір-бірін тыңдап, түсінген жағдайда әрқашан бір мәмілеге келуге болады. Бірақ, егер ол мүмкін болмаса, онда келісу комиссиясына, ал мәмілеге келмесе сот органдарына жүгінуге ғана тура келеді», – деді Әсет Дәуітов.
Семинар соңында оқытуға қатысқан келісу комиссиясының 32 мүшесі – сертификаттарға ие болды.