2022 жылғы 7 шілдеде Павлодар облысының аумақтық кәсіподақтар бірлестігінің алаңында «Премиум Ойл Транс» ЖШС келісім комиссиясының мүшелері үшін оқыту семинары өтті.
Павлодар облысы аумақтық кәсіподақтар бірлестігінің төрайымы Д. Айтжанова әлеуметтік әріптестер мен бастауыш кәсіподақ ұйымдарының еңбек дауларының алдын алу бойынша жұмысының жоғары деңгейін атап өтті, аумақтық кәсіподақтар бірлестігінің «Татуласу орталығының» жұмысы туралы айтып, семинардың барлық қатысушыларына белсенді және қызықты оқыту форматын тіледі.
Семинар спикерлері Павлодар қалалық сотының судьясы В.Шевченко, еңбек құқығы саласындағы сарапшы М. Қабжамитов, Қазақстан Республикасы Кәсіподақтар федерациясы Заң клиникасы филиалының басшысы М. Иванова болды.
Павлодар қалалық сотының судьясы В. Шевченко тыңдаушыларды еңбек дауларын қараудың сот практикасымен таныстырды, еңбек заңнамасының нормаларына негізделген шешімдерді уақтылы және объективті қабылдауда келісім комиссиясының бірінші кезектегі рөліне назар аударды.
Қазақстан Республикасы Кәсіподақтар федерациясы Заң клиникасы филиалының басшысы М. Иванова жеке еңбек дауларын қарау тәртібі, келісім комиссиясының жұмысын құқықтық реттеу туралы айтып, еңбек шартын тоқтатудың жекелеген негіздерін түсіндірді, еңбек дауларын шешу кезінде медиацияны қолдану тәртібін түсіндірді.
М. Қабжамитов еңбек қауіпсіздігі және еңбекті қорғау, өндірістегі жазатайым оқиғаларды тергеу мәселелерін түсіндірді.
«Татуласу орталығының» басшысы М. Иванова медиация рәсімін қолдана отырып, еңбек дауларын бейбіт жолмен шешуге шақырды, бұл дауды тез, шығынсыз, қызметкердің жұмыс орнында жайлы болу қарым-қатынасын сақтай отырып және жұмыс өтілін сақтай отырып шешуге мүмкіндік береді.
Семинар жұмысының белсенді және практикалық кезеңі кейстік міндеттерді шешу болды.
Барлық тыңдаушылардың атынан «Премиум Ойл Транс» ЖШС келісім комиссиясының қатысушы-мүшелері Павлодар облысы аумақтық кәсіподақтар бірлестігінің спикерлері мен семинарды ұйымдастырушысына алғыстарын білдірді.