Прмағанбетов Меңдіқара Қызылорда облысында мұнай барлау, өндіру және тасымалдаумен айналысатын «Қуат Амлон Мұнай» компаниясында слесарь-сантехник болып жылдар бойы жұмыс жасады.
Ол Қызылорда облысы Арал ауданы Арал-құм стансасында 1959 жылы 5 ші маусымда дүниеге келген. 1979 ж әскер қатарында болып келген Меңдіқара Прмағанбетов сол жылы еңбек жолын Арал тұз комбинатының кен орынында жұмысшы болып бастаған. 1987 жылдан бастап Қазалы ауданында механизатор-звено жетекшісі болып, 1994 жылдан бастап Байқоңыр қаласында слесарь-сантехник болып жұмыс жасаған.
«ҚуатАмлонМұнай» серіктестігінде жұмыс жасаған жылдар бойында Меңдіқара Прмағанбетов өз ісінің нағыз маманы ретінде көрсетіп, компанияда жұмыс істейтін жастарға тәлімгер бола білді. Құрметті демалысқа шығу қарсаңында вахталық қалашықтағы жұмыскерлер және компанияның кәсіподақ ұйымы аға әріптестеріне құрмет көрсетіп, ұзақ жылдар бойғы адал еңбегі үшін ризашылықтарын білдірді.