Мұғалім өзінің білімділігімен, жайдары мінезімен оқушысына жақсы мағынада қатты әсер ете білген тұлға. Сондай жандардың бірі Жанаева Айнагүл Ердәулетқызы 1963 жылы 26 қыркүйекте Қызылорда облысы, Арал ауданы Шижаға елді мекенінде дүниеге келген.
Білімі жоғары. 1986 жылы Жамбыл педагогикалық институтын физика-математика пәні мұғалімі мамандығы бойынша бітірген. Сол жылдан бері Арал ауданы №57 Е.Көшербаев атындағы орта мектебінде математика-информатика пәні мұғалімі болып жұмыс жасап келеді. Педагогика саласында жалпы еңбек өтілі 36 жыл.
Мұғалімдік мамандық – бұл адамтану, адамның күрделі және қызықты, шым-шытырығы мол рухани жан дүниесіне үңіле білу. Педагогикалық шеберлік пен педагогикалық өнер – ол даналықты жүректен ұға білу болып табылады.
2009 жылы «Білім және ғылым қызметкерлерінің кәсіподағына сіңірген еңбегі үшін» төсбелгісімен, тағы да басқа марапаттармен марапатталған.