Қазақстанда жыл сайын қыркүйектің соңғы жексенбісінде атап өтілетін Еңбек күні және осы жылы «Әділ еңбекақы» ұранымен өтетін лайықты еңбек үшін Дүниежүзілік іс-қимыл күніне орай Қарағанды облысының Кәсіподақ орталығының басшылығы Қарағанды облысының еңбек инспекциясы жөніндегі басқармасымен өзара ынтымақтастық туралы меморандум негізінде Қарағанды қаласының «Шаңырақ» бөбекжай-бақшасы КМҚК бастауыш кәсіподақ ұйымымен кездесу ұйымдастырды, онда 95 қызметкер (100% кәсіподақ мүшелері) жұмыс істейді, олардың көпшілігі нәзік жандар.
Еңбек бойынша кеңес беру мақсатында ұйымдастырылған көшпелі кездесуде ашық позитивті диалогта Қарағанды облысы Кәсіподақ орталығы төрағасының орынбасары Татьяна Шатохина еңбек адамының мүдделерін қорғау бойынша жүргізіліп жатқан жұмыс және жаңа бастамалар туралы айтып берді. Қарағанды облысының еңбек инспекциясы жөніндегі басқармасының мемлекеттік инспекторы Камит Каренов еңбек заңнамасы мен ұжымдық шарт жасасу мақсатын егжей-тегжейлі түсіндірді.
Қарағанды облысының Кәсіподақ орталығы жанындағы заң клиникасының басшысы Света Шардарбекова еңбек және өзге де дауларды шешу бойынша Заң клиникасы мен қолдану орталығының жұмысымен таныстырды. Қазақстандық салалық білім және ғылым қызметкерлері кәсіподағының Қарағанды облыстық ұйымы Қазыбек би аудандық филиалы комитетінің төрайымы Марал Кашенова қызметкерлердің құқықтарын қорғау және әлеуметтік қолдау бойынша жүргізіліп жатқан жүйелі және перспективалық кәсіподақ жұмысы туралы егжей-тегжейлі хабардар етті.
«Шаңырақ» бөбекжайы» КМҚК директоры Бақытгүл Абдрасилова кәсіподақ комитетімен бірлесіп қызметкерлердің әлеуметтік-еңбек мәселелерін шешу, материалдық көмек көрсету, емдеу-сауықтыру демалысын ұйымдастыру, ұжымдағы бірлікті және жағымды моральдық-психологиялық ахуалды нығайту бойынша әлеуметтік әріптестік тәжірибесімен бөлісті.
Мектепке дейінгі мекемедегі кәсіподақ жұмысы мен әлеуметтік серіктестікті жоғары деңгейде атап өтті, кездесу барысында балабақша қызметкерлері еңбек төлемін арттыру, Семей полигонына байланысты әлеуметтік жеңілдіктер, еңбек заңнамасын өзгерту және зейнетақымен қамтамасыз ету бойынша сұрақтар қойды. Барлық сұрақтарға құзыретті түсініктемелер берілді.
Кездесу соңында қонақтар мәртебелі педагогикалық еңбек қызметкерлерін келе жатқан кәсіби мұғалімдер күнімен құттықтап, қазақстандық салалық білім және ғылым қызметкерлері кәсіподағының Қарағанды облыстық ұйымының Құрмет грамоталарымен және көп жылғы адал еңбегі, тәрбие және білім беру саласындағы кәсіподақ қозғалысын дамытуға қосқан жеке үлесі үшін ақшалай көтермелеумен «Шаңырақ» бөбекжайы» КМҚК бастауыш кәсіподақ ұйымының төрайымы Индира Тәжібаева және балабақша тәрбиешісі Тұрсын Аминова салтанатты түрде марапатталды.