Ізденімпаз мұғалімнің шығармашылығындағы ерекше тұс — оның сабақты түрлендіріп, тұлғаның жүрегіне жол таба білуі. Ұстаз атана білу, оны қадір тұту, қастерлеу, арындай таза ұстау — әр мұғалімнің борышы. Ол өз кәсібін, өз пәнін, барлық шәкіртін, мектебін шексіз сүйетін адам. Өзгермелі қоғамдағы мұғалім – педагогикалық құралдардың барлығын меңгерген, тұрақты өзін-өзі жетілдіруге талпынған, рухани дамыған, толысқан шығармашыл тұлға. Осы қасиеттердің барлығы Әлібек Бүркітбаев атындағы №12 ЖББ мектептің бастауыш сынып мұғалімі Кульзия Нурмаганбетованың бойынан табылады.
Нурмаганбетова Кульзия Байдюсеновна 1984 жылдан бастап бастауыш сынып мұғалімі болып қызмет атқарып келеді. Мектептің қоғамдық өміріне белсене араласады. 1999 жылдан 2014 жылға дейін мектепшілік “Балдаурен” жазғы сауықтыру лагерінің жетекшісі, 2000 жылдан бастап бастауыш сынып әдіс бірлестігінің болып қоғамдық жұмыстарды атқарды.
Қызмет атқарған жылдар аралығында бірнеше рет аудан, облыс көлемінде алғыс хаттармен, құрмет грамоталарымен марапатталған, 2007, 2011 жылдары Аудандық білім бөлімінің Құрмет грамоталарымен, 2007 жылы ҚР Білім және ғылым қызметкерлері кәсіподақ одағы құрмет грамотасымен, 2016-2017 жылдары Облыстық білім бөлімінің алғыс хатымен марапатталған.
Бастауыш сынып мұғалімдері арасында ұйымдастырылған республикалық қашықтық олимпиадаларының жеңімпазы. 2017 жылы Халықаралық «Пони» Халықаралық байқауы, Республикалық «Білім Бойтұмары» республикалық ғылыми-әдістемелік журналы, «Көкжиек» республикалық ғылыми-әдістемелік орталығы, «Шабыт» білім беру-әдістемелік орталығы, «Платон» Халықаралық білім дамыту орталығының дипломдарымен марапатталды. «Оқу-білім кz» республикалық білім порталының Құрмет грамотасымен, «ПедСтарт» қашықтық олимпиада ІІІ дәрежелі мадақтамасы, V Республикалық «Үздік ұстаз» байқауында төсбелгімен наградталды.
2018 жылы Халықаралық Интернет ресурс «Білімнұр.кz» Халықаралық Интернет ресурс «Білімнұр.кz», «Мерей» республикалық ғылыми-әдістемелік журналы дипломдарымен, аудандық «Жазғы мектеп» байқауы ІІ орын дипломы, Аудандық білім бөлімі мадақтамасымен, Қарағанды облысының білім басқармасы Құрмет грамотасымен, Республикалық Қазақстанның Білім және Ғылым әлемі төсбелгімен марапатталды. 2021 жылы Республикалық «TutorUp»онлайн олимпиадасында І дәрежелі дипломымен, Республикалық EBILIM.KZ алғыс хатымен марапатталды.
Кульзия Байдюсеновна өмірін балалардың сауатын ашуға, оларға сапалы білім мен саналы тәрбие беруге арнаған ұстаз. Бүгінде білім берген оқушылары арасында үлкен жетістіктерге жеткендері де аз емес.