2023 жылғы 9 наурызда салалық және жергілікті кәсіподақ қоғамдық бірлестіктері филиалдарының төрайымдарының қатысуымен Павлодар облысының аумақтық кәсіподақтар бірлестігі шығарған «Еңбекші әйелдердің құқықтарын қорғаудағы кәсіподақтар» атты жаңа жинақтың талқылауы өтті.
Павлодар облысы Аумақтық кәсіподақтар бірлестігінің төрайымы Д.Айтжанова жинақтың мазмұны туралы айтып берді. Жинақтың бірінші бөлімі Павлодар облысы кәсіподағының аумақтық бірлестігінің еңбекші әйелдер істері жөніндегі комиссиясының еңбекші әйелдердің құқықтарын қорғау, Павлодар облысы кәсіпорындарында әйелдер үшін қолайлы еңбек жағдайларын жасау, олардың құқықтары мен бостандықтарын қамтамасыз ету жөніндегі жұмыс тәжірибесін жинақтауға арналған.
Жинақтың екінші бөлімі Павлодар облысы кәсіпорындарының еңбекші әйелдердің құқықтарын қорғау жөніндегі ұжымдық шарттарын талдауға арналған.
«Жинақтың мазмұнын зерделеу экономиканың түрлі салаларындағы кәсіподақ жұмысының тәжірибесін байытады, нәтижесінде еңбекші әйелдердің құқықтарын қорғауды қолдайтын пункттермен ұжымдық шарттардың сапалы жаңаруына ықпал ететін болады», – деді кездесуге қатысушылар.