Жетісу облысына жұмыс сапары барысында Қазақстан Республикасы Кәсіподақтар федерациясының төрағасы Сатыбалды Дәулеталин Текелі қаласының маңындағы тау бөктерінде орналасқан «Алтын шажа» жазғы сауықтыру лагерінде болып, кәсіподақ мүшелерінің балаларының жазғы демалысы және сауықтыруының ұйымдастырылуы мен шарттарымен танысты. Бұл – облыстағы кәсіподақ мүшелерінің балалары басымдықпен демалатын облыстағы үш балалар лагерінің бірі.
«Алтын шажа» лагері осыдан 12 жыл бұрын ашылып, 9 жылдан бері Текелі қалалық білім басқармасының балансында. Лагерь 7 күндік 8 кезеңдік жазғы демалыс кезінде жыл сайын 7 мен 16 жас аралығындағы 2000 баланы қабылдайды.
Қалалық білім басқармасының басшысы Нариман Естібаевтың айтуынша, сауықтыру бағдарламасына физиотерапия, тұз шахтасы, жаттығу терапиясы кіреді. Балаларға арналған бос уақыт бағдарламасы балалардың күн сайын мәдениетте, өнерде және спортта өз өнерлерін ашуға мүмкіндігі болатындай етіп жасалған.
Балалармен тілдескен ҚРКФ төрағасы Сатыбалды Дәулеталин олардың жатын орны мен тамақтануының жағдайын сұрап, оларды қарсы алуға құр алақан келмегенін – бөлімшелердің әрқайсысына доптар мен шахмат жиынтықтары сыйға тартылғанын айтты.
«Бізді күніне 5 рет тамақтандырады, біз жаяу серуендейміз, түрлі жарыстарға қатысамыз. Әркім өзінің ерекше қабілеттерін көрсете алатын «Мені таң қалдыр» байқауы өте ұнайды. Мұнда біз жаңа достар табамыз және бұл жерден мүлде кеткіміз келмейді», – деп өз әсерлерімен бөлісті лагерьдегілер.
Сатыбалды Дәулеталин лагерь қызметкерлеріне, айтпақшы, олардың барлығы облыстағы әртүрлі мектептердің ұстаздары екенін айтып, балалардың жақсы демалуларына тілектестігін білдірді.
«Балалық шақ – айналаңды, туған жердің тарихын енді ғана танып-білуге мүмкіндік беретін әр адамның өміріндегі бақытты кезең, шынайы достар табады. Мұнда білім басқармасы мен ата-анаңыз мүше болған кәсіподақ ұйымдарының арқасында демалыстарыңызды денсаулығыңыз бен дамуыңыздың игілігімен өткізуге барлық жағдай жасалған. Жаңа оқу жылына дейін күш-қуат алуларыңызға тілектеспін», – деді ҚРКФ төрағасы қоштасу кезінде.
ҚРКФ медиаорталығы