«Қазақстандық электролиз зауыты» АҚ келісім комиссиясының мүшелерін көшпелі оқыту өтті. «Павлодар облысы кәсіподақтар орталығы» АКБ «QAZAQMETALL KASIPODAGY» Қазақстандық салалық тау-кен металлургия кәсіподағы» ҚБ-мен бірлесіп, «Келісім комиссиясында жеке еңбек дауларын шешу тәртібі» тақырыбында семинар ұйымдастырды.
Оқыту семинарына қатысушылар – бастауыш кәсіподақ ұйымынан сайланған «Қазақстандық электролиз зауыты» АҚ келісім комиссиясының мүшелері.
Оқытуға қатысушыларды құттықтай отырып, Павлодар облысы аумақтық кәсіподақтар бірлестігінің төрағасы Д.Айтжанова, «QAZAQMETALL KASIPODAGY» Қазақстандық салалық тау-кен металлургия кәсіподағы» ҚБ төрағасының орынбасары Р.Даумова, бастауыш кәсіподақ ұйымының төрағасы Л.Клименко еңбек заңнамасын қолдануды жыл сайын оқытудың өзектілігі мен қажеттілігін атап өтті.
Семинар жұмысы екі бағытта құрылды: Теориялық оқыту және интерактивті практикалық оқыту.
Татуластыру орталығының басшысы М.Иванова еңбек заңнамасы, келісім комиссияларының еңбек дауларын шешу тәртібі, еңбек дауларының алдын алу жолдары және сотқа дейін дауды шешу үшін медиацияны қолдану мәселелері туралы түсіндірді.
Павлодар қалалық сотының судьясы В.Шевченко «Азаматтық сот ісін жүргізуде еңбек заңнамасын қолданудың өзекті мәселелері» тақырыбында дәріс оқыды.
Семинардың практикалық бөлімінде оның қатысушылары практикалық кейстерді талдау негізінде ойын практикумын өткізді, бұл еңбек дауларын шешу бойынша білімді нығайтты.
Тренингке қатысушылар жыл сайынғы оқыту туралы сертификаттар алып, спикерлер мен семинарды ұйымдастырушыларға алғыстарын білдірді.