Бұл жолғы Жолдау экономикалық жаңғырту және қарапайым халықтың тұрмыс жағдайын көтеруге бағытталған. Бүгінгі жиынға алғаш рет ақ жағалылардан бөлек, қарапайым еңбек адамдары да қатысты. Арасында, кәсіпкер, диқан, аграном мұғалім мен дәрігер де бар. Әр қайсысы өз саласына қатысты өзгерісті тағатсыздана күтті. Жиыннан соң жарияланған Жолдау көптен көтеріліп, шешімін таппай жүрген мәселелерді қамтығанын айтып, ойларымен бөлісті.
Қазақстан Республикасы Кәсподақтар федерациясы көптен көтеріп отырған мәселесі ауыр жағдайда жұмыс істейтіндердің зейнетақы жасын қысқарту. Оларға жеңілдік беру ендігі мәселе. Керемет айтылды. 55 жастан бастап оларға әлеуметтік төлем төленеді. Бұл тұңғыш рет бізде болып отыр. Бұл бұрынғы совет дәуіріндегі елдердің ішінде жалғыз Қазақстанда болып отыр. Одан кейін зейнет жасын төмендету керек.