Абылай Қабашұлы №24 лингвистикалық мектеп-гимназиясының түлегі. Ол 2009 жылы Ақтөбе мемлекеттік педогогикалық институтында дене тәрбиесі және спорт факультетін тәмамдаған. Күрестің екі түрінен: еркін және белбеу күресінен ҚР спорт шебері. Белбеу күресінен Халықаралық дәрежедегі спорт шебері. 2000 жылдан бастап “Қазақ күресінен Ырғыз балалар және жасөспірімдер спорт мектебінде”еркін күрес секциясына қатысып, аудандық және облыстық жарыстарда жүлделі орындардың иесі.
2001-2003, 2009-2011 жылдары ауданның Түйе палуаны, әртүрлі деңгейдегі халықаралық республикалық жарыстардың жүлдегері. Еркін күрестен 2004 жылы Батыс Қазақстан облысында өткен ашық чемпионатта 66 кг салмақ дәрежесінде және 2005 жылы ҚР 1-ші жастар ойындары бағдарламасы мен Орынбор әкімі кубогымен марапатталған.
2005 жылы Шымкент қаласында өткен Х халықаралық жарыста 66 кг салмақ дәрежесінде чемпион атанып, “Ең үздік белдесу” дипломмен марапатталды. 2006 жылдан бастап облыстың құрама командасының мүшесі.