Қарағанды қаласында өткен Азаматтық форумға Қазақстан Республикасы Кәсіподақтар федерациясы төрағасының бірінші орынбасары Мұхтар Тінекеев қатысты.
400-ден астам қатысушы, оның ішінде Қарағанды облысының кәсіподақ жетекшілері мен кәсіподақ белсенділерін қоса алғанда, мемлекеттік органдардың, үкіметтік емес ұйымдардың өкілдері, «Әділетті Қазақстанды» құруда азаматтық қоғам институттарын біріктіру мәселелерін талқылау үшін форумның диалог алаңына жиналды.
Форумға қатысушыларды Қарағанды облысының әкімі Ермағанбет Бөлекпаев, Қазақстанның Азаматтық Альянсының президенті Бану Нұрғазиева, ҚР АҚДМ Азаматтық қоғам істері комитетінің төрағасы Мадияр Қожахмет, сондай-ақ Қазақстан Республикасы Сыбайлас жемқорлыққа қарсы іс-қимыл агенттігінің Қарағанды облысы бойынша департаментінің басшысы Сергей Перов қарсы алды.
Форумға қатысушыларды құттықтаған Қазақстан Республикасы Кәсіподақтар федерациясы төрағасының бірінші орынбасары Мұхтар Тінікеев қоғамдағы өзгерістер мен шешуші реформалардан үлкен үміт күту жағдайында Азаматтық форум тақырыбының өзектілігін атап өтті.
Мұхтар Тінікеев өз сөзінде Кәсіподақтар федерациясының қызметіндегі негізгі басымдықтарға ерекше тоқталды.
«Қазақстан Республикасының Президенті Қасым-Жомарт Тоқаевтың бастамалары Кәсіподақтар федерациясы алға қойған – әрбір жұмыс істейтін адам үшін әділ еңбек қатынастарын жасауға бағытталған мақсаттармен сәйкес келеді. Қазіргі таңда әр қызметкерді толғандыратын әлеуметтік маңызды мәселелерді көтеретін – Кәсіподақтар федерациясы. Кәсіподақтар федерациясының бастамасы бойынша Қазақстанда жалақыны кезең-кезеңімен арттыру, ең төменгі жалақыны есептеу әдістемесін әзірлеу және т. б. бойынша шаралар қабылдануда. Біз еңбек қауіпсіздігі мен еңбекті қорғаудың шығындыдан тәуекелге бағдарланған моделіне көшуге бағытталған 2030 жылға дейінгі қауіпсіз еңбек тұжырымдамасы бойынша жұмысқа белсенді қатыса отырып, өндірістік жарақаттану саласында қабылданатын қадамдарды қолдаймыз. Зиянды және қауіпті еңбек жағдайларында жұмыс істейтін қызметкерлерді әлеуметтік қолдау мәселелері біртіндеп шешілуде. Бұл мәселені шешудегі маңызды қадам Мемлекет басшысының осы санаттағы қызметкерлер үшін 55 жастан бастап зейнеткерлік жасқа толғанға дейін арнайы әлеуметтік төлем енгізу туралы тапсырмасы болды», – деп атап өтті ҚРКФ Төрағасының бірінші орынбасары.
Сондай-ақ,баяндамашы Федерацияның еңбек қауіпсіздігін қамтамасыз ету саласында атқарған маңызды қадамдарының қатарын атап өтті – 2023 жылды Федерация «Қауіпсіз жұмыс жылы» деп жариялады, еліміздің кәсіпорындарында ASPANS ақпараттық платформасы енгізілуде, «Халықтық бақылау» жобасы, сондай-ақ VisionZero концепциясы жүзеге асырылуда.
«ҚРКФ мен оның мүше ұйымдары кәсіпорындарда «Халықтық бақылау» жобасын енгізу жұмысын жалғастыруда». Бүгінгі таңда жоба 258 мыңнан астам жұмысшыны қамтыған 252 кәсіпорынды қамтыды, оның ішінде 610 мүгедек. Сонымен қатар, ҚРКФ VisionZero бағдарламасына қосылу үшін әлеуметтік серіктестермен бірлесіп жұмыс істеуді жалғастыруда. Республикаға барлығы 67 282-ден астам жұмысшыны қамтитын 440 кәсіпорын қосылды», – деді Мұхтар Тінікеев.
Сондай-ақ өз сөзінде Кәсіподақтар федерациясы мен оның мүшелік ұйымдарының азаматтық сектормен диалогты дамыту саласындағы, оның ішінде гендерлік және жастар саясатын іске асыру саласындағы ҚРКФ қадамдары туралы айтып өтті.
Соңында Мұхтар Тінікеев Кәсіподақтар федерациясының “Әділетті Қазақстанды” құру идеясы аясында қарапайым еңбекшілердің мүддесі үшін азаматтық институттармен және мемлекеттік органдармен сындарлы диалогты одан әрі дамытуға ниетін білдірді.