Қазақстанның Кәсіптодақтар күні қарсаңында Қазақстан Республикасы Кәсіподақтар федерациясының Қарағанды облысы Кәсіподақтар орталығының өкілдері (төраға – Болат Жұмабеков) алғаш рет Қазақстанда алғашқы өнеркәсіптік өндіріс пен кәсіподақ құрудың тарихи орындары бойынша Қарағанды облысы Шет ауданы Успен ауылдық округіне ұжымдық сапар ұйымдастырды.
«Келешек» Жастар кеңесінің өкілдерінің және келесі Салалық кәсіподақтардың облыстық филиалдары: «SENIM» денсаулық сақтау жүйесі, «ҚЫЗМЕТ» мемлекеттік, банк мекемелері және қоғамдық қызмет көрсету; мәдениет, спорт, туризм және ақпарат; оқу-ағарту, ғылым және жоғары білім; құрылыс кешені және тұрғын үй-коммуналдық шаруашылық; теміржол, автомобиль, әуе және су көлігі; өңірдің ауыл шаруашылығы, қайта өңдеу ұйымдары мен мемлекеттік мекемелерінің құрамына кіретін кәсіподақ жастары өкілдерінің бару мақсаты ұрпақтар кездесуі, 1905 жылы Ақмола уезінің Өспен мыс кенішінің (қазіргі Қарағанды облысының аумағы) жұмысшыларының кәсіптік одағы құрылған елімізде кәсіподақ қозғалысының пайда болу тарихымен практикалық танысу болды.
Жұмағали Мағзиев – Қарағанды облысының ғалымы, өлкетанушысы, Қазақстан Республикасы кәсіподақ қозғалысының тарихы бойынша сарапшы, оқу-ағарту, ғылым және жоғары білім қызметкерлерінің Қазақстандық Салалық кәсіподағы Қарағанды облыстық ұйымының өкілі кәсіподақ жастарының бастамасын қолдап, тарихи орындар бойынша қызықты кездесулер ұйымдастырды, оған бірінші кәсіподақ көшбасшысы Әли Байшағыровтың ұрпақтары, еңбек ардагерлері, жас ұрпақ өкілдері, шығармашылық және ғылыми зиялы қауым қызметкерлері, облыстық және аудандық мәслихат депутаттары қатысты.
Күздің шуақты күнінде қатысушылар туған өлкенің тарихына үлкен қызығушылықпен және таңданыспен: Қазақстан Республикасындағы бірінші кәсіподақ ұйымының төрағасы Әли Байшағыров атындағы тау алабы; бұрынғы Сарысу байыту комбинаты, Шахталық копер және карьер, бұрынғы Өспен мыс кенішінің әкімшілік ғимараты және Өспен мыс кенішінің кәсіподақ санаторийі, Қазақстан Республикасында кәсіподақ қозғалысының құрылуына арналған ескерткіш белгі сияқты маңызды орындарға барды, тарихи ғимаратында алғашқы мектеп құрылған Сәкен Сейфуллин атындағы мұражайда өткен экскурсияға қатысты. Экскурсия барысында кәсіподақтардың заманауи тарихын көрсету мақсатында қонақтар музей экспозициясында лайықты орын алған Қазақстан Республикасы Кәсіподақтар федерациясының туын мұражайға сыйға тартты.
Успен ауылдық округінің Мәдениет үйінде «Нілді: тарих және сабақтастық» ғылыми монографиясының тұсаукесері өтті, оның авторы өлкетанушы ғалым Жұмағали Мағзиев. Ол Қазақстанның кәсіподақ қозғалысының тарихы ХХ ғасырдың басынан бастау алатынын атап өтті.
1905 жылы 6 желтоқсанда құрылған Өспен кенішінің Жұмысшылар одағы ресми түрде елдегі алғашқы кәсіподақ ұйымы болып танылды. Бұрын зерттелмеген туған өлкенің бай тарихының көптеген фактілері ғылыми монографияда ашылған және іс жүзінде негізделген.
«Ұрпақтар кездесуі» сапарының соңында, Татьяна Шатохина – Қарағанды облысы Кәсіподақтар Орталығы төрағасының орынбасары, «ҚЫЗМЕТ» Салалық кәсіподағының Қарағанды облыстық филиалының төрайымы салтанатты түрде ардагерлер мен жастарға Қазақстан Республикасы Кәсіподақтар федерациясының және Қарағанды облысы әкімінің Алғыс хаттарын, Қарағанды өңірі Кәсіподақтар Орталығының Құрмет грамоталарын табыс етті, 10 қазанда атап өтілетін келе жатқан мереке – Қазақстан Республикасының Кәсіптік одақтар күнімен құттықтады және Нілді тарихи жеріндегі есте қалар кездесулер үшін шын жүректен алғыс білдіре отырып, еңбек жастарымен бірлескен сапарлы іс-шара өңірдің кәсіподақ қозғалысы үшін маңызды оқиғаға айналғанын және патриотизмге, өлкенің тарихын зерделеуге, Еңбек Адамдарына құрмет көрсетуге тәрбиелеудегі маңызды фактор болып табылатынын атап өтті.
Мәдени бағдарламаға кәсіподақ жастарының атынан Қарағанды Академиялық музыкалық комедия театрының әртісі Айдын Төлегенов қатысып, домбырада қазақ халқының сүйікті күйлерін шын жүректен және кәсіби орындап берді.
Тарихи орындарға ұжымдық сапарға қатысушылар Шет ауданы әкімдігі мен Успен ауылдық округі басшылығы мен қызметкерлеріне кездесуді жоғары деңгейде ұйымдастырғаны және тарихи жәдігерлермен танысқаны үшін шын жүректен алғыс білдіреді.
ҰРПАҚТАР КЕЗДЕСУІНДЕ ЫНТЫМАҚ, ОТАНҒА ДЕГЕН, ОНЫҢ ТАРИХЫ, ҰЛТТЫҚ МӘДЕНИЕТІНЕ ДЕГЕН СҮЙІСПЕНШІЛІК, АҒА ҰРПАҚҚА ДЕГЕН ҚҰРМЕТ, БЕЙБІТШІЛІК ПЕН КЕЛІСІМ АТМОСФЕРАСЫ ОРНАДЫ !